काठमाडौं, वैशाख २० गते ।
कोरोना महामारीबीच पनि पछिल्लो महिना वैदेशिक रोजगारीमा जानेको संख्या बढेको छ । स्वदेशमा रोजगारी नपाएपछि कोरोनाको संक्रमणको कहर र डरबीच पनिको श्रम स्वीकृति लिएर वैदेशिक रोजगारीमा जानेको संख्या बढेको छ । वैदेशिक रोजगार विभागका अनुसार चैत्र महिनामा ७३ देशमा ३२ हजार १४२ जना रोजगारीका लागि विदेश गएका छन् । त्यसमा २ हजार १०७ जना महिला रहेका छन् । फागुन महिनामा भने श्रम स्वीकृति लिएर १९ हजार ८०८ जना विदेश गएका थिए ।
