काठमाडौँ, भदौ २४ गते ।
एमालेका अध्यक्ष केपी ओलीले लोसपाका अध्यक्ष महन्थ ठाकुरसँग चुनावी तालमेलका लागि कुराकानी गरेका छन् । आगामी निर्वाचनमा
पाँचदलीय गठबन्धनका कारण संकटमा परेका एमाले अध्यक्षले लोसपाको साथ खोजेका छन् ।
स्रोतका अनुसार एमालेले लोसपासँग चुनावी सहकार्य गर्न प्रस्ताव समेत पठाएको छ । लोसपा पनि चुनावी तालमेलका लागि तयार भएको
बताइएको छ । एमाले र लोसपाको कुनै गठबन्धन नभएका कारण उनीहरुबीच तालमेलको तयारी गरिएको हो ।
