काठमाण्डौ,
उपसभामुख इन्दिरा रानाले पछिल्लो समय महिलाहरु हरेक क्षेत्रमा सशक्त बन्दै गएको बताउनु भएको छ । आठ मार्च सशक्तिकरण अभियानले काठमाण्डौमा आज आयोजना गरेको कार्यक्रममा बोल्दै उपसभामुखले महिलालाई पहिलेको जस्तो कम्जोर रुपमा नलिन आग्रह गर्नुभयो ।
‘महिलाहरु पहिले जस्तो कम्जोर छैनन, हरेक क्षेत्रमा सशक्त बन्दै गएका छन् ।’ उहाँले भन्नुभयो ‘महिलाहरुमा थप महिलाहरुमा जागरण पैदा गर्न, आफ्ना हक अधिकारप्रति सचेत गराउन र आफ्नो जिम्मेवारीप्रति उत्तरदायी बनाउन लैङ्गिक समानता, महिलाका हक अधिकार, स्वतन्त्रताका आवाज उठाउन छाड्नु हुँदैन् ।’
महिलाको सशक्तिकरण, सहअस्तित्व र नेतृत्व तहमा महिलाको प्रतिनिधित्वका लागि आवाज उठाउने अभियानहलाई अझै प्रभावकारी बनाउन पनि उहाँले आग्रह गर्नुभयो । लैङ्गिक विभेदमुक्त समाज निर्माणका पक्षमा पनि अभियानहरु सञ्चालन गर्नुपर्ने आवश्यकता औल्याँउनुभयो ।
उपसभामुख रानाले चुलोचौकोमा सीमित महिलाले सामाजिक चुनौतीलाई पनि ह्याण्डिल गर्दै गएको बताउँदै आफू पनि चुनौती पार गरेरै जेलका बच्चाको हेरचाहमा लागेको दोहो¥याउनुभयो ।‘गाउँघरमा घाँस दाउरामा बस्ने महिला हिमालमा पुगिसकेका छन ।’ उहाँले भन्नुभयो ।
