काठमाडौं, २८ असोज
आयोजक गण्डकी प्रदेश र नेपाल पुलिस क्लबले नवौं राष्ट्रिय खेलकुदअन्तर्गत पुरुष भलिबलमा विजयी सुरुआत गरेका छन् ।
पोखरा रंगशालामा भएको पहिलो खेलमा विभागीय टोली नेपाल पुलिस क्लबले कर्णाली प्रदेशलाई ३-० को सोझो सेटमा पराजित गरेकाे छ । पुलिसले कर्णालीमाथि २५-१६, २५-११ र २५-१२ को जित निकाल्यो । यस जितसँगै पुलिसले समूह ‘ए’ बाट क्वाटरफाइनल पुग्ने सम्भावना बलियो बनाएको छ । कर्णाली अंकविहीन हुँदा लुम्बिनीले कुनै खेल खेलेको छैन ।
यता, गण्डाकीले बागमती प्रदेशलाई ३-१ ले हराउँदै समूह डीको विजेता बनेको छ । समूह डी मा दुई टोली मात्रै थिए । गण्डकीले बागमतीलाई २५-२०,१५-२५,२५-१८ र २५-१३ ले पराजित गरेकाे छ।
