रमेश खड्का
गोकर्णेश्वर नगरपालिका वडा न.–४ स्थित गोकर्ण वाँधको पुर्व पट्टीको बाटोदेखि सुन्दरीजलसम्म जाने महत्वपूर्ण वैकल्पिक सडकको चौडाई विस्तार तथा निर्माण कार्य अगाडि वढेको छ । उक्त सडक लामो समयदेखि साँघुरो अवस्थामा थियो र सडकमा आवत–जावतमा निकै कठिन भइरहेको थयो । यो समस्या समाधानको लागि गोकर्णेश्वर नगरपालिकाले काठमाडौं उपत्यका विकास प्राधिकरण तथा नेपाल ट्रस्टलाई आवश्यक पत्रचार गर्नुका साथै नगरपालिकाले पटक–पटक बैठक बसेर निर्णय गरिकन काम अगाडि वढाएको छ ।
यस महत्वपूर्ण सडक निर्माणको लागि गोकर्णेश्वर नगरपालिकाले चालु आर्थिक वर्षमा २५ लाख रुपैंया विनियोजन गरेको छ । यस सडक निर्माण तथा विस्तारको विषयमा निवर्तमान प्रतिनिधिसभा सदस्य एवं अर्थ समितिका सभापति आदरणीय सन्तोष चालिसेले समेत सदनमा पटक–पटक आवाज उठाउँदै आउनु भएको थियो । उहाँ लगायत यस अभियानमा प्रत्यक्ष तथा अप्रत्यक्ष रुपमा सहयोग गर्नुहुने सम्पूर्णमा पालिकाका मेयर दिपक कुमार रिसालले हार्दिक धन्यवाद ज्ञापन गर्नु भएको छ ।
यो सडक निर्माण सम्पन्न भएपछि गोकर्णेश्वर–४ सहित शुन्दरीजल क्षेत्रका स्थानीय जनता तथा समग्र नगरवासीलाई आवात–जावतमा सहजता हुनुको साथै महत्वपूर्ण वैकल्पिक मार्गका रुपमा विकास भएको पनि मेयर दिपक कुमार रिसालले वताउनु भएको छ । त्यसैगरी बिकास र समृद्धिको यात्रामा गोकर्णेश्वर नगरपालिका निरन्तर अगाडि बढिरहने विश्वास र प्रतिबद्धता पनि पालिका मेयर रिसालले व्यक्त गर्नुभयो ।
