पट्टीका विभिन्न क्षेत्रमा इजराइली आक्रमणमा बुधबार कम्तीमा २३ प्यालेस्टाइनीको मृत्यु भएको स्रोतले जनाएको छ । स्रोतले इजराइली सेनाले रातिदेखि आज बिहानसम्म पट्टीका क्षेत्रहरूमा हवाई र तोपखाना आक्रमणहरू शुरू गरेको बताएको छ । इजराइली विमानले उत्तरी गाजाको जबलिया शरणार्थी शिविरको पश्चिममा रहेको आवासीय घरलाई निशाना बनाउँदा छ जनाको मृत्यु र अन्य छ जना घाइते भएका छन् । उक्त घटनामा घाइते भएका सबैजनालाई अस्पताल लगिएको छ ।
विमानहरूले पट्टीको बीचमा अल–जावैदा सहरमा विस्थापित मानिसहरूको लागि अर्को घरमा बमबारी गर्दा १० व्यक्तिको मृत्यु भयो । इजराइलका विमानहरूले गाजा सहरको दक्षिणमा रहेको अल–जायटौन छिमेकमा घरहरू र कृषि भूमिमा आक्रमण गरेका थिए । आक्रमणमा दुई जनाको मृत्यु भएको छ । सहरको दक्षिणपश्चिममा रहेको ताल अल–हवा छेउछाउमा तोपको गोली लागेर अन्य १० जना घाइते भएका छन् । इजराइली सेनाले मध्य गाजाको नुसेरात शरणार्थी शिविरको पूर्वी बाहिरी भागमा बमबारी गर्दा भौतिक क्षति पुर्याएको प्रत्यक्षदर्शीहरूले बताएका छन् ।
यसैबीच दक्षिणी गाजा सहर रफाहमा इजराइली हवाई हमला र तोपको बमबारीका कारण पाँच प्यालेस्टाइनीको मृत्यु भएको छ भने सात जना घाइते भएका छन् । प्यालेस्टिनी सुरक्षा स्रोतहरूले सिन्ह्वालाई इजराइली सेनाले इजिप्टको सिमानामा रहेको फिलाडेल्फिया करिडोरको साथ रफाहमा पश्चिमतर्फ अघि बढिरहेको बताए । यसैबीच प्यालेस्टिनी शरणार्थीहरूका लागि राष्ट्रसङ्घीय राहत र कार्य एजेन्सी (युएनआरडब्लुएल) ले आपूर्ति र सुरक्षाको अभावका कारण रफाहमा खाद्यान्न वितरण स्थगित गरेको घोषणा गरेको छ ।
युएनआरडब्लुएले सामाजिक सञ्जाल एक्समा भनेको छ, “रफाहमा खाद्यान्न वितरण हाल आपूर्तिको अभाव र असुरक्षाका कारण निलम्बित रहेको छ । साथै पूर्वी रफाहमा चलिरहेको सैन्य अपरेसनका कारण युएनआरडब्लुएले वितरण केन्द्र र डब्लुएफपी (विश्व खाद्य कार्यक्रम) गोदाम दुवै रफाहमा पहुँचयोग्य नभएको उल्लेख गरेको छ ।” इजराइलले सन् २०२३ अक्टोबर ७ मा दक्षिणी इजराइली सिमानामार्फत हमासको आक्रमणको बदला लिन गाजामा हमासविरुद्ध ठूलो मात्रामा आक्रमण सुरु ग¥यो । हमासको आक्रमणमा करिब एक हजार दुई सय मानिस मारिएका थिए भने करिब दुई सय ५० जनालाई बन्धक बनाइएको थियो ।
