काठमाडौं, असार १८ गते ।
सिन्धुपाल्चोकमा भारी वर्षाका कारण मेलम्चीमा बाढीको चतावनी दिइएको छ । बाढी पूर्वानुमान महाशाखाका अनुसार सिन्धुपाल्चोकका विभिन्न स्थानमा भारी वर्षा भइरहेको छ । जिल्लाको गुम्थाङ, धाप, नकोटे लगायतका स्थानमा धेरै वर्षा भइरहेको छ ।
मेलम्चीमा १.५ मिटर पानीको सतह बढेको छ । महाशाखाले मेलम्चीमा आकस्मिक बाढीको चेतावनी दिएको छ । आसपासका कमजोर भिरालो जमीनमा पहिरो गई कुनैपनि बेला बाढी आउन सक्ने बताइएको छ ।
