काठमाडौं, असार ८ गते ।
काठमाडौं महनगरपालिकाको आगामी आर्थिक वर्षको नीति तथा कार्यक्रम बहुमतले पारित भएको छ । भृकृटीमण्डपस्थित राष्ट्रिय सभागृहमा बुधबार बसेको नगरसभाको ११औँ अधिवेशनले सो नीति तथा कार्यक्रम पारित गरेको हो । अधिवेशनमा नगर सदस्यहरुले नीति तथा कार्यक्रममा आवश्यक सल्लाह, सुझाव दिएका थिए ।
महानगर प्रमुख बालेन्द्र शाहले सबैका सल्लाह र सुझावलाई समेटेर लैजाने प्रतिबद्धता व्यक्त गरे । काठमाडौँ महानगरको कर प्रणालीलाई थप व्यवस्थित बनाउने समेत बताए । महानगर प्रमुख शाहले संशोधित नीति तथा कार्यक्रम चाँडै प्रकाशित गर्ने बताए ।
