काठमाडौं, जेठ १५ गते ।
प्रतिनिधिसभा बैठकमा सरकारको नीति तथा कार्यक्रम बहुमतले पारित भएको छ । जेठ १० गते राष्ट्रपति विद्यादेवी भण्डारीले संघीय संसदको संयुक्त बैठकमा पेश गर्नु भएको सरकारको वार्षिक नीति तथा कार्यक्रम बहुमतले पारित भएको छ ।
नीति तथा कार्यक्रममाथिको छलफल सकिएपछि संशोधनकालागि ६ वटा प्रस्ताव पेश भएका थिए । ती प्रस्तावहरु बहुमतले अस्वीकृत भएका थिए । सरकारको नीति तथा कार्यक्रम ध्वनी मतका आधारमा बहुमतले पारित गरिएको घोषणा सभामुख अग्नि प्रसाद सापकोटाले गर्नु भएको थियो ।
