काठमाडौं, वैशाख २३ गते ।
सरकारले वीर अस्पतालको नयाँ भवनसँगै उपत्यकाको चार ठाउँमा आईसीयू सहितको कोभिड अस्पताल सञ्चालन गर्ने भएको छ । काठमाडौं उपत्यकामा पछिल्ला दिनमा कोरोना संक्रमितको संख्या ह्वात्तै बढेका कारण शैय्या अभाव हुन थालेको छ । निजी अस्पतालहरुले भने अत्याधिक शुल्क लिइरहेका छन् ।
उपचार नपाएरै कोरोना संक्रमितको ज्यान जाने अवस्था आएपछि सरकारले वैशाख २५ गतेसम्म कोरोना अस्पताल निर्माण गर्ने कार्यविधि बनाएको छ । वीर अस्पतालको नयाँ भवन, भक्तपुरको खरिपाटी, काठमाडौंको दहचोक र इचङ्गु नारायणमा कोभिड अस्पताल निर्माण गर्न लागिएको हो । वीर अस्पतालको नयाँ भवनमा कम्तीमा ५ सय शैय्याको कोभिड अस्पताल निर्माण गरिनेछ ।
