विदेशमा रहेका अमेरिकी गुप्तचर निकायहरूले व्यापक रूपमा प्रयोग गर्ने तर नागरिक स्वतन्त्रतावादी सङ्गठनहरूले आलोचना गर्ने शक्तिशाली विद्युतीय निगरानी उपकरणको नवीकरणलाई अमेरिकी सिनेटले शनिबार अनुमोदन गरेको छ । शुक्रबार अमेरिकी सिनेटमा भएको मतदानमा विधेयकको पक्षमा ६० मत र विपक्षमा ३४ मत परेको थियो । ह्वाइट हाउसले राष्ट्रपति जो बाइडेनले ‘विधेयकमा चाँडै हस्ताक्षर गर्ने’ बताएको छ । यस कार्यक्रमले अमेरिकी गुप्तचर एजेन्सीहरूलाई न्यायिक वारेन्ट नलिइकन इलेक्ट्रोनिक निगरानी गर्न अनुमति दिनेछ ।
यसले अमेरिकी नागरिकहरूबाट निगरानीको लागि लक्षित विदेशीहरूसँग उनीहरूलाई विशेष गरी अमेरिकी क्षेत्रभन्दा बाहिर कहीँ पनि गैर–अमेरिकीहरूको फोन कल र इमेलसहितका सञ्चार सन्देशहरू मेटाउन अनुमति दिन्छ । राष्ट्रिय सुरक्षा सल्लाहकार जेक सुलिभानले एक विज्ञप्ति जारी गर्दै भन्नुभयो, “कानूनले गम्भीर राष्ट्रिय सुरक्षा खतराहरू पत्ता लगाउन र संयुक्त राज्य अमेरिकाको रक्षाको लागि उक्त समझदारी प्रयोग गर्न हाम्रा सुरक्षा अधिकारीहरूलाई काम गर्न सहयोग गर्नेछ ।” विदेशी गुप्तचर निगरानी ऐन (फिसा) को धारा ७०२ अन्तर्गत प्राधिकरणलाई गोपनीयता र नागरिक स्वतन्त्रताका पक्षधरहरूले निन्दा गरेका छन् ।
सदनबाट पारित भएकोे तर उग्र बहसको विषय बनेको विधेयक फिसालार्ई पूर्वराष्ट्रपति डोनाल्ड ट्रम्पले नवीकरण नगर्न सांसदहरूसँग आग्रह गर्नुभएको थियो । उहाँले यो र यस्तै मुद्दालाई लिएर राष्ट्रपति जो बाइडेनलाई राष्ट्रपतीय निर्वाचनमा कमजोर प्रमाणित गर्न खोजिरहनु भएको छ । ट्रम्पले यसै महिनाको सुरुमा आफ्नो ट्रुथ सोसल प्लेटफर्ममा पुष्टि हुने कुनै तथ्यविना नै लेख्नुभएको थियोे, “यो अवैध रूपमा म र अरू धेरै विरुद्ध प्रयोग गरिएको थियो । तिनीहरूले मेरो अभियानको जासुसी गरे ।”
गत डिसेम्बरमा ह्वाइट हाउसका एक वरिष्ठ अधिकारीले गाजा र युक्रेनमा जारी युद्ध, चीनसँगको उच्च तनाव र साइबर आक्रमणको निरन्तर खतराबीच यो ‘एकपक्षीय’ निःशस्त्रीकरणका लागि खतरनाक समय हुने भन्दै सिनेटरहरूलाई कार्यक्रम नवीकरण नगर्न आग्रह गर्नुभएको थियो ।
