एजेन्सी
इस्लामाबाद, ८ मंसिर
पाकिस्तानका प्रधानमन्त्री सहबाज सरिफले बिहीबार लेफ्टिनेन्ट जनरल असिम मुनीरलाई देशको शक्तिशाली सेनाको नयाँ प्रमुखको रूपमा नियुक्त गरेका छन् । सूचना मन्त्रीले एक ट्वीटमा उक्त जानकारी दिएका हुन् ।
नयाँ प्रमुखले निवर्तमान जनरल कमर जावेद बाजवाबाट पदभार ग्रहण गर्नेछन् । बाजवा छ वर्षको कार्यकालपछि यसै महिनाको अन्त्यमा अवकाश लिँदै छन् ।
यसअघि बाजवाले पाकिस्तानी सेना राजनीतिमा संलग्न भएको स्वीकारेका थिए । सेनाले ‘राजनीतिमा हस्तक्षेप’लाई रोक्ने निर्णय गरेको पनि उनले बताएका थिए ।
