नेपाली सेना फोटो तथा युनिट विशेष प्रदर्शनी

नेपाली सेनाले सङ्गठन स्थापना दिवसका अवसरमा सैनिक मुख्यालय परिसरमा फोटो प्रदर्शनी गर्दैछ । गत वर्ष जस्तै यस वर्ष पनि माघ ६ गतेदेखि ९ गतेसम्म जङ्गी अड्डास्थित सैनिक केन्द्रीय पुस्तकालय अगाडि मैदानमा फोटो तथा युनिट विशेष प्रदर्शनी आयोजना गरिने सैनिक जनसम्पर्क तथा सूचना निर्देशनालयले जनाएको छ । दैनिक बिहान १० बजेदेखि साँझ ५ बजेसम्म खुला रहने उक्त प्रदर्शनी निःशुल्क अवलोकन गर्न सकिनेछ । सेनाको ऐतिहासिक विकासक्रम एवं वर्तमानमा निर्वाह गरिरहेका गतिविधिको झलक समेटिएको प्रदर्शनी अवलोकन गर्न चाहने सबैलाई सेनाले आमन्त्रण गरेको छ ।