आज २२ नोभेम्बर । विश्व इतिहासमा आज विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ इतिहासमा आज भएका केही घटनाः
जर्मनीको चान्सलरमा पहिलो महिला
सन् २००५ मा एन्जिला मर्केल जर्मनको चान्सलर बनेकी थिइन् । पूर्वी जर्मनीबाट चान्सलर बन्ने उनी पहिलो महिला हुन् । मर्केलले सन् २००५ देखि जर्मनीमा एकछत्र शासन गर्दै आएकी छिन् । सन् २००२ देखि सन् २००५ सम्म प्रमुख विपक्षी दलकी नेतृ मर्केल सन् २००२ देखि सन् २००८ सम्म क्रिश्चियन डेमोक्रयाटिक युनियनको नेता बनेकी थिइन् ।
युक्रेनमा ओरेन्ज रिभोलुसन
निर्वाचित सरकारले भ्रष्टाचार र आर्थिक अनियमितता गरेको भन्दै सन् २००४ मा ओरेन्ज रिभोलुसन भएको थियो । यो क्रान्तिपछि देशमा निर्वाचन प्रणालीमा सुधार भएको थियो भने सन् २००५ को २२ नोभेम्बरलाई स्वतन्त्रता दिवस घोषणा गरिएको थियो । सन् २०११ देखि भने हरेक २२ जनवरीलाई स्वतन्त्रता दिवसको उपलक्ष्यमा विदा दिन थालिएको छ ।
पहिलो एनिमियटेड चलचित्र
सन् १९९५ मा निर्माण गरिएको टोरी स्टोरी कम्प्यु्टरबाट एनिमियटेड गरिएको पहिलो चलचित्र हो । मानवजस्तै खेलौनाको साहसमा आधारित यस चलचित्रले ओस्कारलगायत अन्य प्रतिष्ठित पुरस्कार प्राप्त गरेको थियो ।
टाइसनलाई विश्वकै कान्छो हेभिवेट च्याम्पिनको उपाधि
विश्व बक्सिङ परिषद्ले सन् १९८६ मा माईक टाइसनलाई विश्वकै कान्छो हेभिवेट च्याम्पियन घोषणा गरेको थियो । च्याम्पियन घोषित हुँदा उनी २० वर्षका थिए ।
जोन अफ केनेडीको हत्या
सन् १९६३ को २२ नोेभेम्बरमा अमेरिकाका ३५ औं राष्ट्रपति जोन एफ केनेडीको हत्या भएको थियो । टेक्सासको भ्रमण गर्ने क्रममा ली हार्भे ओसवाल्ड नाम गरेका व्यक्तिले केनेडीको हत्या गरेका थिए । केनेडी पदमै रहँदा हत्या हुने चौथो अमेरिकी राष्ट्रपति हुन् । यसअघि अब्रांहम लिंकन, जेम्स अब्रांहम गारफिल्ड र विलियम म्याकिन्लेको पनि पदमा रहेकै बेला हत्या भएको थियो ।
